الرئيسية | ملاك عبيدات :سبب أناقتي أنني لا أقلد التقليد الأعمى للموضة وأختار نجم الشاشة باسل خياط

ملاك عبيدات :سبب أناقتي أنني لا أقلد التقليد الأعمى للموضة وأختار نجم الشاشة باسل خياط

ملاك عبيدات :سبب أناقتي أنني لا أقلد التقليد الأعمى للموضة

ممثلة أردنية شابة حاصلة على لقب miss Elegant universe لعام 2020، لديها الجمال والطموح لتكون هي نجمة المستقبل ، تحب الرياضة وتحافظ على أناقتها ورشاقتها
يسعدني أن أرحب في هذا اللقاء بالممثلة الاردنية الشابة الموهبة ملاك عبيدات

مرحبا أنسة ملاك شكرا لحضورك هذا اللقاء بدايتا تعرفينا عن حضرتك ؟

أول شي شكرا اليك على هل المقدمة هادي ملاك عبيدات عمري 22سنة حاصلة على لقب miss Elegant universe وسفيرة السلام لجمعية Golden Beirut Awards وعضو الذهبي في اللوب الاقتصادي الدولي وكهوايات لاعبة بريشة الطائرة وحاصلة على جوائز بهل المجال بحب القراءة والكتابة خواطر مش اكتر من هيك وانشالله رح كمل دراستي في الحقوق وأخود درجة الماجستير ودرجة الدكتوراة

انشالله يا رب بتتحققي كلشي ببالك انسة ملاك ماهو السبب وراء اختيارك مجال التمثيل ؟

بالنسبة لمجال التمثيل أنا مش اخترتو مجال التمثيل إيجا بطريقي صدفة في عروض اخدت القرار فيها وفي عروض لسا عم بدروسا

مين بيضل بيدعمك وبيوقف جنبك لحتى توصلي لحلمك او هدفك ؟

أكيد بعد الله سبحانه وتعالى عندي الناس يلي بتحبني وأهم شخص يلي شجعني وبلش معي من الصفر صديقة إلي بتحفظ على إسما واكيد دعموني أهلي بابا وماما و الاستاذ الكبير ذكريا الفحام يلي وقف معي خطوة خطوة لحتى أوصل يلي بدي ياه

اكيد بوجهلو تحية للاستاذ ذكريا يلي بيضل بيدعم المواهب وبيدعم أي شخص بيحتاج المساعدة أنسة ملاك ماهي الصعوبات التي واجهتيا في طريق وصولك لحلمك ؟

الصعوبات والتحديات هلأ اي شخص بيواجه صعوبات حتى لو مش مشهور الصعوبات يلي واجهتها هي عدم تقبل المجتمع لفكرة اخدت لقب miss Elegant universe كوني انا إمراة من بلد محافظ بس أنا متاكدة إني رح كون قدوة لبنات غيري ورح شجعهم يعملوا متلي واكتر إنشالله

ماهي اهم اعمالك انسة ملاك ؟

عندي مشروع إنساني بالنسبة لإعمالي الحالية وهو توعية لمرض سرطان الثدي وفي أشياء تانية مستقبلا رح احكي عنها

من هو الممثل الذي تحبي ان تشاركيه في دور بطولة ؟
عابد فهد ، تامر حسني ،باسل خياط

هلأ بصراحة بالنسبة لموضوع التمثيل في كتير شخصيات حابة مثل معهم بس بالنسبة للخيارات يلي حاطتلي ياهم أنا بشوف باسل خياط هو الأقرب إلي لأمثل معو في دور بطولة

ماهو السبب وراء رفضك دور في احدى الاعمال الدرامية الموسم الرمضاني الفائت ؟

سبب رفضي للدور يلي إيجاني أنو بيتعارض مع مبادئي الشخصية فكنت مش قادرة اطلع بالشخصية يلي بدهم ياها هني

ملاك شو بتخبرينا عن مشاركتك في عمل درامي لعام 2021 وعن شخصيتك فيه ؟

هلا بالنسبة للعمل الدرامي يلي رح اشارك فيه لعام 2021 أنا مافيني احكي شي عنو هلأ وأنا مش عارفة إذا بيناسبني هل الموضوع فبفضل انو ما احكي شي عنو هلأ

ملاك عبيدات ماهي الشخصيات التي لاتنتسى في ذاكرتك؟

هلأ قصدك أنو شخصيات عامة ولاء شخصيات خاصة

الشخصيات الفنية يلي ما بتنتسى في ذاكرتك انسة ملاك ؟

الفنانة الكبيرة صاحبة الشخصية القوية منى واصف ،ياسر عظمة ،وهند رستم ، عادل إمام إلهم تاريخ عريق بالفن ومافي حدا بيقدر ينساهم

اكيد عمالمة الفن وبوجهلن تحية كمان عبر منصة خبر عاجل
هلأ من كم يوم توجتي بلقب miss Elegant universe في بيروت شو بتخبرينا عن هي المشاركة وعن هيدا التتويج؟

التتويج كان كتير مهم إلي في بيروت وأنا ناوية إنشالله بلش حياتي العملية والإعلامية في بيروت فكان كتير مهم إني أتوج هون في بيروت وكنت كتير مبسوطة بلحفل وبتتويج حضرتو شخصيات كتير كبيرة ومن أهم الشخصيات يلي حضرتو الكبير المخضرم الفنان سعد حمدان والجهة المنظمة للحفل Golden Beirut Award بإدارة محمد حلواني وطبعا المصمم الأنيق رامي سلمون وكوافير الشعر الأنيق محمد سلمون

إنشالله كل التوفيق في حياتك ما هو سر جمالك واناقتك ملاك؟

هلأ بالنسبة للجمال هي نعمة من عند رب العالمين وبالنسبة للأناقة أنا ما بقلد التقليد الأعمى أنا بمشي على الشي يلي بحس حالي انو مناسب لشخصيتي ولشكلي وهاد سر الأناقة لأنو الشخص إذا راح واتبع صيحات الموضة بشكل اعمى رح يطلع عليه مش لابقلو ومش متماشي مع شخصيتو وكمان بهتم بشكلي الخارجي كعناية ببشرتي وعناية بنوع غذأئي الصحي يعني ما بتعشى المسا حفاظا على وزني الأشياء يلي بتعملا أي بنت جميلة

كيفك مع عالم الرياضة ؟

فينك تقول انو أنا مواظبة على الرياضة صحيح انو في مرات ما بقدر العب بس متل ما حكتلك قبل انو بلعب ريشة طائرة وبحب الرياضة كتير ولما بحس حالي فاضية بروح بلعب وإنشالله يا رب ضل مواظبة عليها

كتير عم نشوف ممثلين عم يخوضوا تجارب في المجال الاعلامي ما رأيك ؟

طبعا بشجع هل الشي ليش لا إذا في ممثليين عم يخوضوا تجارب في المجال الاعلامي هاد الشي بلعكس يعتبر تعدد مواهب أو توسع آفاق من تمثيل للإعلام أو من إعلام لتمثيل فاكيد بشجع هل الشي وبدعمو

بالختام مافيني غير اتشكرك مرة تانية واتمنالك كل التوفيق والنجاح في حياتك شو بتحبي توجهي كلمة أخيرة عبر منصة خبر عاجل ؟

كلمة أخيرة أنا بتشكر كل حدا ساعدني ودعمني لأوصل لهي المرحلة وإنشالله رح أوصل للمراتب أعلى وأنا بنت ما رح كون غير عند حسن ظن الجميع وشكرا اليك هادي على هل اللقاء الحلو كلك زوء

الشكر الأكبر اليك ملاك وانشالله بضلي هيك من نجاح لنجاح

مني أنا هادي ومن أسرة خبر عاجل شكرا لكل حدا تابع هيدا اللقاء

إلى اللقاء

إعداد وتقديم : هادي يوسف

x

‎قد يُعجبك أيضاً

سيدة الأعمال أية حداد تقدم نصائح لتحقيق النجاح

” الطريق المستقيم الخالي من العثرات لا يؤدي إلى الهدف”.وإنما على الإنسان مواصلة الجهد والتعب ...