الرئيسية | الممثلة سالي بسمة توجه رسالة للبنانيين عبر الانستغرام

الممثلة سالي بسمة توجه رسالة للبنانيين عبر الانستغرام

نشرت الممثلة اللبنانية سالي بسمة منشور جديد عبر حسابها الرسمي على موقع التّواصل الإجتماعيّ “أنستغرام ” أستنكرت فيه ما ورد عن لسان فئة من اللبنانين الذين طالبوا بالانتداب معربة عن غضبها الشديد.

وقد ارفقت المنشور بالتعليق التالي :
“بإختصار شديد ..
كل حدا بقول لرئيس دولة أجنبية “فلان يمثلني” / “يا فلان دخيلك احكمنا”
فهو بكل بساطة إنسان مش وطني و متل إجره وطنه ..
لو هو وطني بحارب بسنانه ليخلّي وطنه مستقل وبحارب بإيديه وإجريه ليقضي على الفساد والمتآمرين والزعماء النصابين الدجالين الكذابين البلا ضمير كلهم دون استثناء ..
لو هو إنسان وطني كان بهيك فاجعة بينسى الطائفية وانتماؤه الحزبي وبفرجينا إنسانيته وإنتماؤه الوطني ..
الناس بالأزمات بتترفع عن خلافاتها ونزاعاتها والمأساة بتوحدها ..
كل اللبنانيين بكل أديانهم و طوائفهم
المسلم والمسيحي
السني، الشيعي، الدرزي
الماروني، الكاثوليك، الاورتوذكس، الأرمن الكاثوليك، الأشوريين، السريان
وغيرهم كثير لو كان بعد في..
اللي تابعين لكل الأحزاب..
كل هيدول اتضرروا بالفاجعة بالإنفجار بالمصيبة اللي صارت ب ٤ آب ببيروت
لأوّل وهلة بس شفت البيوت كلها انفتحت والكل عم يساعد الكل قلت الحمدالله كل الخلافات راحت..
بس بعدين عم شوف وبقرا تعليقات بتقرّف صدقاً بتقرّف.. نحنا شعب بحياتنا ما رح يكون عنّا بلد..
قلت قبل ورح إرجع كرّر لبنان ب ٤ آب صدّر ورقة نعوته واليوم عم أكّد هالموضوع..
#لبنان_مات ونحنا عالطريق”.

كلام الممثلة سالي بسمة جاء بعد سلسلة الاحداث التي شهدها لبنان ابتداءً من الانفجار الأليم الذي هز مرفأ العاصمة واسقط الالف الجرحى ومئات الشهداء وما تعاقبه من احداث.

كتابة: منال شحادة

x

‎قد يُعجبك أيضاً

رامي مراد يطلق أولى أغانيه ” ولا يهمك”

طرح الفنان رامي مراد  قبل اسبوع على قناته الخاصة على انغامي وعبر مواقع التواصل الاجتماعي ...