الرئيسية | رشا سامي العدل تطلب الدعاء لوالدها الراحل

رشا سامي العدل تطلب الدعاء لوالدها الراحل

نشرت ​رشا سامي العدل​ ابنة الممثل المصري الراحل صورة له برفقة ابنتها على وسائل التواصل الاجتماعي مستذكرة والدها الذي رحل خلال شهر رمضان، وكتبت رشا في منشورها: “من الصور النادرة ل بابا مع بنتي حبيبة في عيد ميلادها الاول .هي نزلت الصورة دي و قالت إنه واحشها… رمضان كله بابا، اول يوم رمضان فطرنا عند عمي الكبير عمو رمزي و رجعنا علي البيت عندي ب شنطة هدومه يومها بالليل تعب و الفجر طلعنا علي اول مستشفي في المهندسين بس رجعنا تاني قبل الفطار و قعد يهزر و يقول ل ماما وحشتني الملوخية بتاعتك طبعا هي ماكدبتش خبر و قالت له عيني قال لها و انا هاجيب مشويات يومها بالليل تعب تانى و طلعنا علي مستشفي في الدقي و كانت بداية النهاية و كأن كان قلبه حاسس و قال ييجي يودعني ٢٢ يوم بعد اسبوعين و يوم منهم نقلته مستشفي تالتة بعد ما دخل غيبوبتين و خرج منهم يومها بالليل دخل الغيبوبة التالتة اسبوع بالظبط و مارجعليش تاني و كانت آخر جمعة في رمضان ليلة وترية في شهر رمضان المبارك … ده رمضان بالنسبالنا ذكريات أليمة مزيج مع بعض الذكريات الحلوة اول يومين مع الغالي علي قلوب كل اللي عرفه و بالأخص علي قلبي أنا .ربنا يرحمك يا قلب قلبي … الرجاء الفاتحة و الدعاء لوالدي الفنان الراحل سامي العدل”.

x

‎قد يُعجبك أيضاً

حسن ناصرالدين: حقن البوتكس علاج لمشاكل عديدة

شهِد العالم في السنوات الأخيرة تطوراً على صعيد التقنيات المستخدمة في عمليات التجميل بشكل كبير، ...